منتدى الفجراوي
اهلا وسهلا بك في اخي الزائر في منتدى الفجراوي يشرفنا ان تسجل معنا

حوار بين بنت وجدتها الجدة من وكتنه والبنت في عام 2085

استعرض الموضوع السابق استعرض الموضوع التالي اذهب الى الأسفل

حوار بين بنت وجدتها الجدة من وكتنه والبنت في عام 2085

مُساهمة من طرف الفجـراوي في الخميس ديسمبر 23, 2010 9:51 am

حوار بين بنت وجدتها الجدة من وكتنه والبنت في عام 2085,,يعني ايامنا هاي صارت خبر كان

--------------------------------------------------------------------------------

المكان : الوطن العربي بس اختاريت لهجتنه العراقيه


الزمان : يوم من أيام عام 2085



========================



حفيدة في سن المراهقة (14 سنة) تجلس مع
جدتها

ويدور بينهما هذا الحوار:


الحفيدة : هاااي بيبي ميرو صارلي هواية مكاعدة وياج؟..


الجدة : اصلا من اجيتي للدنيا مشفتج بس مرتين..


الحفيدة : بيبي ليش متفتحين الستلايت؟؟؟؟

الجدة : مو صار كلش ممل مبيه غير
خمسة واربعين الف قناة بس!.



الحفيدة : شنو هل حلاوة؟ حلو البدي اللي انتي
لابسته.. بس هذا موديله قديم شوية يابيبيتي


الجدة : يا بنتي أنا مرية قديمة والبس مثل ما
جيلنا اتعود عليه وحسب التقاليد القديمة مالتنه



الحفيدة : اي بس مو حاسة إنك مخنوكة وانتي
لابسته؟



الجدة : أبداً هو هذا اللبس المحتشم اللي
مفروض الكل يلبسه ويحافظ عليه..وين أيام زمان
لما كنا نلبس البدي اللي مبين البطن والظهر
بس، مع البنطلون الجلد …؟



الحفيدة : ياه يا بيبي.. انتوا كانت عدكم تقاليد
غريبة كلش
!


الجدة : وهو انتي حاسبة إن أيامكم هايه هم أيام؟
يا بنتي أيامكم هاي ما يعلم بيها إلا ربنا .. وين أيام
سنة 2009 هي الوحدة فينا كانت كلش تخاف
تشرب سيكارة كدام ابوهه واخوتهه ؟؟؟؟؟
اصلا بهيج حالة الدنيا كانت تنكلب ساعتها ..
وأحتمال بابا يخاصمهه.. كانت اكو شغلة اسمها أخلاق
بوكتنه



الحفيدة : معقول يا بيبي؟ للدرجة الفظيعة هاي!!؟


الجدة : اي لعد انتي شتصورين .. وبعدين كانت البنت
ما تلبس اللبس الخليع مال هل ايام
يعني التنورة كان ما يقل طولها عن شبر
وكانت النسوان الكبار شويه يلبسوا فوكاها بلوزة
باستمرار .. مو مثل وكتكم! حسبي الله نعم
الوكيل على وكتكم هذا



الحفيدة : راح اتجنن معقوله كان اكو هيجي تعصب ..


الجدة : احجيلج عن شنو بعد بزمانه ....اي اي اذكرت؟
..
زمان كنا نسمع الطرب الأصيل لمطربين
حقيقيين مثل : حكيم ومصطفى قمر وعمرو دياب وطبعاً الفن الراقي مال هيفا وروبي واليسا كلش جانو محتشمات وكانت
سيدة الغناء شاكيرا اصلا من تغني عبالك صنم ابد متتحرك، وكانت الأغنية مدتها أكثر من
دقيقتين متواصلين من الطرب الأصيل والموسيقى
الهادية اللي تعمر القلوب،



الحفيدة : وبعدين يابيبي؟


الجدة : وبعدين كنا نسمع على شي اسمها
هيد فون،وكان عدنه جهاز اسمة لاب توب هيه صح انقرضت ، بس كان
ليها طعم خاص، ويا سلام لما كنا نحط
جهاز الموبايل ونعلقها في حزام البنطلون
ونمشي في الشارع، كانت أيام
حلووووة.



الحفيدة : السبيك(الكلام) عن ايام زمان مسلي هواية .. بيبي .... بيبي العفو اذكرت شي لحظات وارجعلج
بس أصحي روكي صاحبي فى
المدرسة لأنه كان نايم في غرفتي من
البارحة ..



الجدة : طيب ياحبيبتي روحي


(بعد عدة دقائق)


الحفيدة : هيه يا بيبي.. وبعدين؟ كمليلي عن تخلفكم هيع هيع


الحفيدة : زين بيبي شلون الخدمات للمواطنين بوكتكم ؟


الجدة : يمعودة كنا بعز اصلا المي مرات نروح نشرب من نهر دجلة الحفيدة اي والله سامع بدجلة اكلج يعني كان بدجلة مي؟ الجدة : اي بس جان ويا المي تطلعنه جثث مجهولة الهوية؟؟؟ الحفيدة :زين بيبي والكهرباء شلون كانت عدكم؟ الجدة يمعودة مو مثل هسة جانت تجينة مرات خمس ساعات بلليل والنهار... الحفيدة: لعد بهاي انتو متطورين اكثر من عدنه



الحفيدة : بيبي زين شلون كان الزواج بأيامكم


الجدة : احنا الوحدة منا كانت
بمجرد ما توصل سن 17 سنة تبتدي تفكر في
الزواج العرفى ، ، واحنا يا بنتي على أيامنا كان
لا يمكن البنت تتأخر بره البيت عن الساعة أربعة
الصبح، اصلا باباها كان ممكن يرزلهه؟؟؟


الحفيدة : ياي! انتوا كنتوا متزمتين بشكل غريب يابيبي
!!!


الجدة : يا بنتي إحنا اتربينا على الأخلاق والفضيلة
والعادات والتقاليد

وكان أهل الفن
محتشمين جداً وكانوا دايماً يطلعوا بالمايوهات (المطربات)
البكيني، والمذيعات كانوا يكعدوا جنب الضيف
مو على ركبته مثل وكتكم
..
هيـ يـ يـ يـ ـه الله يرحم ذيج الأيام.. فكرتيني بالذي
مضى حبي




الحفيدة : (تنهض من مكانها) تشاو سي يو بيبونتي
!



الجدة : سي يو



وبعد مرور عدة ساعات انتابت الجدة خلالها غيبوبة
بسبب الشيخوخة و في المساء دار هذا الحوار :



الجدة : إنتي وين كنتي يا امورتي؟


الحفيدة : مو مكتلج . إحنا رحنا أخذنا الولد من الحضانة


الجدة : ولد !! اي ولد الي أخذتوه من الحضانة؟


الحفيدة : صحيح أنا نسيت اكلج .. أصل أني
جبت ولد من روكي صاحبي


الجدة : يا بنتي ليش مستعجلين المفروض تنتظروا الى ان تتزوجو بس يله مصار شي؟؟؟


الحفيدة : يا سلام عليكي يا بيبي..
..طيب شنو اللي يمنع نخلف من غير
زواج ؟؟؟



الجدة : مشكلتي إني ما اكدر أزعل منج يا
فتفت يروحي ..وسميتوا المحروس شنو؟



الحفيدة : سميناه : دوت كوم


الجدة : نعم .. دوت كوم؟ نظام هاي تك ؟
يعني لما تريدي تصيحيله تدوسي (إنتر) ولا شنو
بالضبط ؟




الحفيدة : ها ها ههههههاي .. شنو هالخفة يا بيبي
والله فكرة .. لما اريد اصيحهه أدوس إنتر .. ولما
أحب اكله روح ادوس أودتك


( ألت و إف 4 )



الجدة : وأخدتوه من الحضانة وديتوه وووين؟



الحفيدة : وديناه النادي الصهيوني مال منطقتنا



الجدة : النادي الصهيوني مال منطقتنه ؟


الحفيدة : ايييييييييي ..هذا نادي جميل معمول برعاية
كبار رجال الأعمال ..
وهذا بيعلم الأطفال حاجات ظريفة
ومصاريفه رخيصة جداً وبعدين الولد المتميز
ممكن يروح يكمل تعليمه في إسرائيل




هه..أفتح لك التليفزيون يا بيبي حتى تشوفي
نشرة الأخبار؟


الحفيدة تضغط الريموت كنترول لنرى شاشة كبيرة
بطول وعرض حائط الغرفة، وتظهر صوت مذيعة
مصحوباً بلقطات للأنباء تقول:



المذيعة : هاي شلة ! إليكم عناوين الأخبار

-
أمريكا ترصد 25 مليار دولار لرأس اسامة بن محمد
بن أسامة بن لادن المتهم الأول في تفجير قصر
السفير الأمريكي في أفغانستان

واشنطن تتهم ليبيا بتفجير سفينة فضاء فوق
كوكب المريخ


وزير الاقتصاد د. (؟) يصرّح
:
إعدام الفقراء هو الحل لخروجنا من عنق الزجاجة


أخبار عربية :


زهوة ياسر عرفات تطالب بانسحاب إسرائيل
حتى حدود عام 2050، وإعلان الدولة الفلسطينية
في مايو المقبل


-
إسرائيل ترفض الإنسحاب من البصرة إلا بعد
ضمان أمن مستوطناتها في بغداد

-


أخبار الفن

-
زفاف المطربة صباح(بعدهي عايشه بذاك الوكت هع) على حفيد الفنان الراحل
راغب علامة


الفنان محمد هنيدي يهاجم نجوم الكوميديا الجدد


المذيعة : فينيش باي

الجدة : مكدر اباوع بعد حسبي الله ونعم الوكيل عليكم

(يغمى عليها)



الحفيدة : بيبي..بيوبتي
.. يمااااااااااامي هاي ماتت اووووي.. تعالو دفنوهه
__________________



ههههههه اتمنى عجبكم الموضوع

avatar
الفجـراوي
Admin

عدد المساهمات : 140
تاريخ التسجيل : 02/10/2010

معاينة صفحة البيانات الشخصي للعضو http://fajrawe.7olm.org

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى